Maxfiylik siyosati

2. Qanday ma'lumot yig'amiz

Ma'lumotlar uch guruhga bo'linadi. Har biri alohida saqlanadi va alohida muddatga ega.

2.1. Akkaunt ma'lumotlari

Siz ro'yxatdan o'tayotganda o'zingiz kiritasiz:

• ism va familiya
• email manzil
• telefon raqam
• parolning kriptografik xeshi (parolning o'zi hech qachon saqlanmaydi)
• tashkilot nomi va unga taklif qilingan xodimlar ro'yxati

2.2. Meta orqali olinadigan ma'lumotlar

Siz Facebook orqali kirib, reklama akkauntingizga ruxsat berganingizdan keyin Meta Marketing API orqali quyidagilarni o'qiymiz:

• reklama akkauntining identifikatori, nomi, valyutasi va vaqt mintaqasi
• Facebook sahifasining identifikatori va nomi
• kampaniya, reklama guruhi va reklamalarning nomi, holati, byudjeti va auditoriya sozlamalari
• statistika: sarflangan mablag', ko'rsatishlar, bosishlar, konversiyalar va lidlar soni
• lid formalarining tuzilishi va ulardagi savollar
• reklama akkauntining sozlamalari va cheklovlari

Bunga kirish uchun Meta bergan ruxsat belgisi (access token) shifrlangan holda saqlanadi. Shaxsiy Facebook profilingiz, do'stlaringiz ro'yxati, shaxsiy xabarlaringiz va sahifangizdagi postlarga biz kira olmaymiz va so'ramaymiz.

2.3. Lid ma'lumotlari

Bu - sizning reklamangizni ko'rgan va Facebook yoki Instagramdagi formani to'ldirgan uchinchi shaxslarning ma'lumotlari. Ular quyidagini o'z ichiga oladi:

• ism
• telefon raqam
• email manzil
• shahar yoki hudud, agar formada so'ralgan bo'lsa
• biznes o'zi qo'shgan qo'shimcha savollarga berilgan javoblar
• forma to'ldirilgan sana va vaqt hamda qaysi reklamadan kelgani

Bu ma'lumotlarning egasi - reklama beruvchi biznes. Biz ularni faqat shu biznes nomidan saqlaymiz va yetkazamiz. Lid ma'lumotlari hech qachon sotilmaydi, ijaraga berilmaydi va reklama maqsadida uchinchi tomonlarga uzatilmaydi.

2.4. Texnik ma'lumotlar

Xizmatga kirganingizda server jurnallariga so'rov vaqti, sahifa manzili, brauzer turi va IP manzil yoziladi. Bu jurnallar faqat xavfsizlik va nosozliklarni aniqlash uchun ishlatiladi va 12 oydan keyin o'chiriladi.

3. Nima uchun yig'amiz

Har bir guruh aniq maqsad uchun ishlatiladi:

• Akkaunt ma'lumotlari - sizni tanish, tizimga kiritish, obuna holatini yuritish va siz bilan bog'lanish uchun.
• Meta ma'lumotlari - reklamani yaratish, to'xtatish, byudjetini o'zgartirish va natijani sizga ko'rsatish uchun. Statistika asosida tizim qaysi reklama yaxshi ishlayotganini aniqlaydi va takliflar beradi.
• Lid ma'lumotlari - mijoz murojaatini sizga yetkazish, kabinetda va Telegramda ko'rsatish, hamda eksport qilish imkonini berish uchun.

Biz ma'lumotlaringiz asosida sizga begona kompaniyalarning reklamasini ko'rsatmaymiz va profil qurmaymiz.

4. Huquqiy asos

Akkaunt va Meta ma'lumotlarini qayta ishlashning asosi - siz bilan tuzilgan shartnomani bajarish: bu ma'lumotlarsiz xizmat ishlay olmaydi. Reklama akkauntingizga ulanish esa alohida, aniq ifodalangan rozilikka asoslanadi va uni istalgan payt Facebook sozlamalaridan qaytarib olishingiz mumkin.

Lid ma'lumotlariga nisbatan biz qayta ishlovchi sifatida ish ko'ramiz: ularning egasi va ular uchun javobgar tomon - reklama beruvchi biznes. Bu ma'lumotlarni qonuniy asosda to'plash va ishlatish uning majburiyatidir.

5. Qancha saqlaymiz

Muddat tugagach ma'lumot avtomatik o'chiriladi - buni so'rash shart emas.

Meta o'z tomonida lid ma'lumotlarini 90 kun saqlaydi. Shu sababli biz har kuni sverka o'tkazamiz - shunda birorta murojaat yo'qolmaydi.

6. Kim ko'ra oladi

Har bir mijozning ma'lumotlari ma'lumotlar bazasida alohida ajratilgan. Har bir so'rov tashkilot bo'yicha filtrlanadi, shuning uchun bir mijoz boshqasining reklamasi yoki lidlarini ko'ra olmaydi.

• Siz - o'z tashkilotingizning barcha ma'lumotlarini ko'rasiz.
• Siz taklif qilgan xodimlar - siz bergan ruxsat doirasida ko'rishadi. Ruxsatni istalgan payt bekor qilasiz.
• Bizning xodimlarimiz - faqat siz qo'llab-quvvatlashga murojaat qilganingizda va faqat muammoni hal qilish uchun zarur bo'lgan qismini ko'radi. Har bir bunday murojaat jurnalga yoziladi.

7. Uchinchi tomonlar

Ma'lumotlaringiz quyidagi xizmatlarga va faqat quyida ko'rsatilgan maqsadda uzatiladi. Bu ro'yxatdan tashqari hech kimga berilmaydi va hech kimga sotilmaydi.

Sentry'ga shaxsiy ma'lumot yuborilmaydi: xato hisobotlarida ism, telefon, email va Meta ruxsat belgilari o'chirib tashlanadi.

To'lov provayderiga faqat to'lov uchun zarur ma'lumot uzatiladi. Bank kartangiz raqami bizning serverlarimizga tushmaydi va bizda saqlanmaydi.

8. Ma'lumotlarning chegaradan tashqariga uzatilishi

Meta serverlari O'zbekiston Respublikasidan tashqarida joylashgan. Reklamangizni boshqarish va lidlarni olish uchun ma'lumot almashinuvi shu serverlar bilan amalga oshiriladi - bu xizmatning ishlash usulidan kelib chiqadi.

Barcha almashinuv shifrlangan kanal (HTTPS) orqali o'tadi. Meta tomonidan ma'lumotlarni qayta ishlash Meta'ning o'z maxfiylik siyosati bilan tartibga solinadi.

9. Sizning huquqlaringiz

Istalgan payt quyidagilarni so'rashingiz mumkin:

• sizda qanday ma'lumot saqlanayotganini ko'rish
• noto'g'ri ma'lumotni tuzatish
• ma'lumotni o'chirish
• ma'lumotni fayl ko'rinishida yuklab olish
• reklama akkauntiga berilgan ruxsatni qaytarib olish
• qayta ishlashga e'tiroz bildirish

So'rovingizga 30 kun ichida javob beramiz. Murojaat uchun: Abdullamn1996@gmail.com.

10. Ma'lumotni o'chirish

O'chirishni ikki yo'l bilan so'rashingiz mumkin: saytdagi forma orqali yoki Facebook sozlamalaridan ilovani o'chirib. Ikkala holatda ham sizga tasdiqlash kodi beriladi va so'rov 30 kun ichida bajariladi.

O'chirish so'rovini yuborish

11. Cookie fayllar

Saytda faqat ishlash uchun zarur cookie fayllar ishlatiladi. Reklama va kuzatuv cookie'lari yo'q, uchinchi tomon analitikasi yo'q.

• sessiya cookie'si - tizimga kirganingizni eslab qolish uchun
• til cookie'si - tanlagan tilingizni eslab qolish uchun
• CSRF cookie'si - formalarni soxtalashtirishdan himoya qilish uchun

Yorug' yoki qorong'i rejim tanlovi cookie'da emas, brauzeringizning o'z xotirasida (localStorage) saqlanadi va serverga yuborilmaydi.

12. Yosh chegarasi

Xizmat 18 yoshdan kichiklar uchun mo'ljallanmagan va biz ulardan ataylab ma'lumot yig'maymiz. Agar bunday ma'lumot xatolik bilan tushganini aniqlasak, uni o'chiramiz.

13. Siyosatdagi o'zgarishlar

Siyosat o'zgarganda ushbu sahifadagi "oxirgi yangilanish" sanasini yangilaymiz. Sizga tegishli jiddiy o'zgarish bo'lsa - masalan yangi turdagi ma'lumot yig'ila boshlasa yoki saqlash muddati uzaysa - kamida 14 kun oldin email orqali xabar beramiz.

14. Aloqa

Maxfiylik bo'yicha har qanday savol, shikoyat yoki so'rov uchun biz bilan bog'laning:

• «HUNTER SALLERS» MChJ, STIR 311 076 944
• Toshkent sh., Shayxontohur tumani, Kunchilar ko'chasi, 24
• Abdullamn1996@gmail.com
• +998 97 130 01 23